पारंपरिक चिवडा रेसिपी

भाजलेले पोहे एका स्वच्छ बटर पेपरवर पसरवून घ्या. बटर पेपरऐवजी मोठे पातेले वापरू शकता. पोह्यांच्या मध्यभागी तळलेले साहित्य आणि मसाला एकत्र करण्यासाठी थोडी जागा ठेवा.

धणे, जिरे, कच्ची बडीशेप आणि काळी मिरी एकत्र घ्या.

हे मसाले मंद आचेवर भाजून घ्या.

मसाले जळू देऊ नका. फक्त त्यांचा छान सुगंध येईपर्यंत भाजा.

मसाल्यांना हलकासा पिवळसर रंग येऊ लागला की जास्त भाजू नका.

भाजलेले मसाले थोडे थंड होऊ द्या.

त्यानंतर मिक्सरमध्ये बारीक पूड करून घ्या.

या पूडीत कस्तुरी काश्मिरी लाल मिरची पावडर आणि हळद घाला.

मिक्सरमध्ये थोडे फिरवून सर्व साहित्य एकत्र करा. (चिवड्याचा मसाला तयार आहे.)

एका छोट्या कढईमध्ये २५० ग्रॅम तेल गरम करायला ठेवा.

शेंगदाणे तेलात तळून घ्या. त्यांचा रंग थोडा बदलला की ते पोह्यांवर काढून घ्या.

त्यानंतर चणाडाळ तळून पोह्यांवर काढा.

खोबऱ्याचे काप सोनेरी रंग येईपर्यंत तळून पोह्यांवर काढा.

कढीपत्ता तेलात थोडा कुरकुरीत होईपर्यंत तळून पोह्यांवर काढा.

त्याच तेलात लसणाचे काप खरपूस तळून पोह्यांवर काढा.

शेवटी हिरवी मिरची कुरकुरीत होईपर्यंत तळून पोह्यांवर काढा.

सर्व साहित्य तळल्यानंतर कढईत उरलेले तेल घ्या.

त्यात एक चमचा हिंग पावडर आणि तयार केलेला चिवडा मसाला घाला.

मसाला तेलात थोडा परतून घ्या.

तयार मसाला आणि तेलाचे मिश्रण पोह्यांवर ओता.

पोहे आणि त्यावर घातलेले सर्व तळलेले साहित्य हलक्या हाताने एकत्र करा.

मसाला सर्व पोह्यांना व्यवस्थित लागेल अशा पद्धतीने हलक्या हाताने मिसळा.

सर्व साहित्य एकत्र झाल्यानंतर पिठीसाखर घाला.

चवीनुसार मीठ घाला.

पुन्हा एकदा सर्व साहित्य हलक्या हाताने एकत्र करा. (तुमचा चिवडा तयार आहे!)