दिवाळी स्पेशल खमंग कुरकुरीत चकली

स्टेप १ — धान्य स्वच्छ धुवा

तांदूळ, हरभरा डाळ, मूग डाळ आणि उडीद डाळ वेगवेगळी स्वच्छ धुऊन घ्या. त्यातील पाणी पूर्णपणे निथळू द्या.

स्टेप २ — धान्य व्यवस्थित वाळवा

धुतलेले धान्य वेगवेगळे सुती कापडावर पसरवून ठेवा. थेट उन्हात वाळवू नका. घरात रात्रभर किंवा पंख्याखाली साधारण २–३ तास वाळवू शकता. धान्यावरील ओलावा पूर्णपणे निघणे महत्त्वाचे आहे.

स्टेप ३ — प्रत्येक पदार्थ वेगवेगळा भाजून घ्या

स्टेप ४ — थंड करून बारीक दळा

सर्व भाजलेले पदार्थ एकत्र करून साधारण १ तास पूर्णपणे थंड होऊ द्या. त्यानंतर गिरणीतून अगदी बारीक दळून घ्या. तुमची चकलीची भाजणी तयार आहे!

स्टेप १ — भाजणीमध्ये मसाले मिसळा

एका मोठ्या भांड्यात भाजणी घ्या. त्यात ओवा, मीठ, काश्मिरी लाल तिखट आणि तीळ घालून व्यवस्थित मिसळा.

स्टेप २ — गरम तेलाचे मोहन द्या

९०–१०० ग्रॅम तेल चांगले गरम करा. हे तेल भाजणीमध्ये थोडे-थोडे घाला. हाताने साधारण ३–४ मिनिटे चोळून भाजणीमध्ये तेल व्यवस्थित मिसळा.

स्टेप ३ — पीठ मळून घ्या

पाणी गरम करून घ्या. उकळी येऊ लागल्यावर गरम पाणी भाजणीमध्ये थोडे-थोडे घालत पीठ मळा. एकदम जास्त पाणी घालू नका. पीठ खूप घट्ट किंवा खूप सैल नसावे. चकलीच्या साच्यातून सहज बाहेर येईल, इतके मऊ पण व्यवस्थित आकार धरून राहील, असे पीठ तयार करा.

स्टेप ४ — चकलीचा आकार द्या

चकलीच्या साच्यात पीठ भरा. स्वच्छ पृष्ठभागावर किंवा ताटात गोलाकार चकल्या पाडून घ्या. चकली तुटणार नाही आणि तिचा आकार व्यवस्थित राहील, याची काळजी घ्या.

स्टेप ५ — चकल्या तळून घ्या

कढईमध्ये चकल्या पूर्ण बुडतील इतके तेल गरम करा. तेल मध्यम तापमानाला आल्यावर चकल्या हळूहळू सोडा. चकल्या मध्यम आचेवर तळा. तेल खूप गरम असल्यास चकल्या बाहेरून लवकर रंग पकडतील; आणि तेल पुरेसे गरम नसल्यास त्या जास्त तेल शोषू शकतात. त्यामुळे तेलाचे तापमान योग्य ठेवणे महत्त्वाचे आहे. चकल्या छान कुरकुरीत झाल्यावर बाहेर काढून थंड होऊ द्या.